Tá tú skalt virkja títt gjaldskort, skalt tú brúka 0 + fýra tey síðstu tølini í tínum kundanummari sum virkjanarkotu.

Kundanummar

Tú finnur kundanummarið í tínum persónliga netbanka undir ”Brúkaraupplýsingar”. Kundanummarið sæst eisini á tínum kontoavriti.

Soleiðis virkir tú kortið:

• Ring +45 44 89 73 50
• Skriva kortnummarið (16 tøl á framsíðuni á kortinum) – enda við #
• Skriva kotuna fyri at gera kortið virkið, enda við #. Kotan er 0 og fýra tey seinastu tølini í tínum persónliga kundanummari.

PIN-kota

Hevur tú netbanka, finnur tú PIN-kotuna í tínum persónliga netbanka. Hevur tú ikki netbanka, fært tú PIN-kotuna við postinum. Hetta er bert galdandi, um tú ikki nýtir felags PIN-kotu.

Nándgjald

Fyrstu ferð tú setur kortið í gjaldsterminalin og trýstir tína PIN-kotu, verður nándfunkan á kortinum virkin. Eftir hetta kann kortið brúkast til at rinda upp til 350 kr. uttan at seta kortið í terminalin.

Minst til:

• at kanna eftir, at upplýsingarnar á nýggja kortinum eru rættar.
• at fyrstu ferð, tú nýtir kortið, má kortið setast í terminalin og pin-kota nýtast fyri at virkja tráðleysu loysnina.
• at stovna tær eitt persónligt loyniorð hjá Nets til keyp á netinum. Tú kanst gera tað við at fara inn á leinkið nets.eu/3dsfo.
• at dagføra kortupplýsingarnar, um tú hevur teknað ymisk hald við kortgjaldi, t.d. stroyming-tænastur, App store, Galaxy store o.s.fr.