Tað er ikki neyðugt við eginfígging, tá talan er um umvæling av sethúsinum.

Nú veit eg ikki, hvussu tykkara fíggjarviðurskifti eru, men vit gera eina útrokning, har vit taka inntøku og útreiðlur og so rokna vit út, hvussu stórt lánið kann vera og yvir hvussu nógv ár.

Virðið á húsinum skuldi gjarna blivið hægri, tá kjallarin er innrættaður, so eitt metingarfólk kemur at hyggja eftir ognini. 

Tú ert sjálvandi vælkomin at venda tær til okkara við einum ítøkiligum spurningi, so kunnu vit venda tykkara støðu og møguleikum. 

Vinarliga
Lena, leiðari í Ráðgevingartoyminum

Tað kann vera trupult at geva eitt hóskandi svar uttan neyðugu upplýsingarnar um tína støðu og tínar hugsanir um framtíðina. Eitt er, hvat man hevur ráð til, eitt annað er, hvat man hevur hug til og tørv á.  

Eg fari at viðmæla tær at ringja ella skriva til tín ráðgeva og biða um eitt prát. So kunnu tit saman gjøgnumganga tína støðu, framtíð og hvørjar møguleikar tú hevur.  

Ert tú kundi hjá okkum, kanst tú skriva til tín ráðgeva í netbankanum ella ringja til ráðgevan (tú sært telefonnummarið í netbankanum). Ert tú ikki kundi hjá okkum, vilja vit fegin hjálpa tær kortini. Ring til 330 330 ella skriva til kundi@bankin.fo, so hjálpa vit tær fegin. 

Vinarliga
Lena, leiðari í Ráðgevingartoyminum

Miðalprísurin á seldum ognum á Sandoynni í 2025 var áleið 1,4 mió. kr. Ofta er prísurin á eldri ognum eitt sindur lægri enn miðal. 

Tó so eru støddin á ognini, standurin og staðsetingin avgerandi fyri prísin, so tí er trupult at siga ein ítøkiligan prís.

Tú ert tó vælkomin at ringja til mín á 23 44 07, um tú vilt vita meira. 

Vinarliga
Magnus, Ognarmeklari hjá Skyn

Tað eru ymiskir mátar at gera íløgur upp á: 

• Vilt tú gera íløgur við pensjónini, so hjálpa vit fegin við hesum. Tú kanst bíleggja ein íløgufund – antin við at skriva til tín ráðgeva í netbankanum ella her
• Um tú vilt gera íløgur fyri aðra samansparing, so hava vit ein góðan íløgupall til hetta endamálið. Tað er lætt og einfalt at gera:

1. Skriva til okkara í netbankanum um at stovna eina íløgukontu
2. Tú fært eina avtalu at undirskriva í netbankanum
3. Síðani kanst tú keypa títt fyrsta virðisbræv í netbankanum. Tú ritar inn í netbankan og trýstir á «Íløgur».

• Hevur tú eina størri upphædd, sum tú vilt hava hjálp til at gera íløgur fyri, so ert tú vælkomin at venda tær til okkara.

Ivast tú, so skalt tú endiliga ikki halda teg aftur við at spyrja. Skriva til okkara í netbankanum ella ring 330 330.

Vinarliga
Hjalti, íløguleiðari

Ja, tað kann man væl. Tað er sjálvandi umráðandi at hava í huga, at tess lægri upphæddin er, tess lutfalsliga størri er kostnaðurin.

Harafturat er tað eisini umráðandi at hava í huga, at tú kanst gera íløgur leypandi. Í staðin fyri at gera íløgur fyri nakrar hundrað krónur, kanst tú spara saman til eina størri upphædd, og síðani gera íløgur fyri størri upphæddir leypandi. 

Lat okkum siga, at tú leggur 300 kr. til síðis hvønn mánað, so kanst tú t.d. gera íløgur fyri samanspardu upphæddina hálvahvørt ár ella eina ferð um árið. 

Vinarliga
Hjalti, íløguleiðari

Fleiri hava spurt, um vit viðmæla einstøk partabrøv, og tað gera vit ikki. Tað hava vit snøgt sagt ikki loyvi til. Kundar eru ymiskir, og hugburðurin til íløgur eru eisini ymiskir, so tí er umráðandi, at finna eina loysn, sum hóskar til einstaka kundan. 

Ofta mæla vit okkara kundum til at hava stóra spjaðing í íløgunum, langan tíðarkarm og annars eitt váðastøði, sum hóskar til hugburðin hjá kundanum. 

Vilt tú vita meira um íløgur, kanst tú bíleggja íløguprát her

Vinarliga
Hjalti, íløguleiðari

Tú kanst kunna teg um skattaviðurskifti á heimasíðuni hjá Taks.

Annars ert tú altíð vælkomin at skriva ella ringja til okkara. 

Vinarliga
Hjalti, íløguleiðari

Ja, ommur, abbar og onnur avvarandi kunnu væl geva barninum eina peningagávu, sum bankin síðani setur í íløgur. 

Fyri at gera hetta skalt tú seta teg í samband við tín ráðgeva. Tú fært síðani ráðgeving frá okkum um íløgur, velur váðastøði, og at enda undirskrivar tú eina íløguavtalu í netbankanum. Vit avgreiða restina og seta peningin í íløgur fyri ommubørnini. 

Vinarliga
Hjalti, íløguleiðari

Arvingar yvirtaka depotið. Reglurnar eru tær somu við depoti sum við t.d. kontum.

Vinarliga
Hjalti, íløguleiðari