Javnt kynsbýti ein fyrimunur fyri arbeiðsumhvørvið og úrslitini

BankNordik stuðlar heimsmálunum hjá ST fyri burðardyggari menning. Samtakið hevur valt at arbeiða við fimm útvaldum heimsmálum, m.a. máli nr. 5, ið skal tryggja javnstøðu millum kynini. 

BankNordik-samtakið hevur sett sær sum mál, at bæði kyn skulu vera umboðað við í minsta lagi 40% - bæði á leiðslustigi og á ymisku deildunum. Nýggjasta CSR-frágreiðingin hjá BankNordik vísir, at talið av kvinnuligum leiðarum í samtakinum er hækkað seinastu árini. Við ársenda í 2020 vóru 41% av leiðarunum kvinnur, og til samanberingar var talið 42% í 2019 og 31% í 2018. 

”Vit hava nógvar dugnaligar kvinnur og menn í starvi í samtakinum, og vit fegnast um, at kynsbýtið á leiðslustigi er batnað seinastu árini. Fjølbroytni í starvsfólkahópinum er ein stórur fyrimunur, tá ið mál og avbjóðingar skulu viðgerast í gerandisdegnum, og harumframt hevur tað týdning fyri okkara menning og kappingarføri. Tí er tað umráðandi, at vit áhaldandi eru tilvitað um  at geva kynsjavnvágni ans, um vit eisini frameftir skulu røkka góðum úrslitum," sigur Árni Ellefsen, forstjóri.

Meira um evnið

• Les meira og tekna teg til webinarið um kvinnur og fíggjarviðurskifti 9. mars 
• Lurta eftir okkara nýggjasta poddi um kvinnur og fíggjarviðurskifti 
• Les okkara nýggjastu frágreiðing um samfelagsábyrgd (CSR)