Búskapargongdin, haldførið og váðar

Mikudagin 11. mars seta vit sjóneykuna á føroyska búskapin, tá ið Bakkafrost, Føroya Banki og Búskaparráðið, fara at greiða frá gongdini í farna ári og meta um framtíðarútlitini.

Á tiltakinum fer Turið F. Arge, forstjóri í Føroya Banka, at greiða frá gongdini í 2025, og útlitunum fyri 2026. Síðani fer Høgni Dahl Jakobsen, fíggjarstjóri í Bakkafrosti, at tosa um at vera best í heiminum, at tryggja umstøður fyri burðardyggan vøkstur, og váðastýring í turbulentum tíðum. At enda fer Johnny í Grótinum, formaður í Búskaparráðnum, at leggja fram høvuðstilmælini hjá Búskaparráðnum, við serligum denti á vøkstur og búskaparligar váðar.

Skrá

14.00 - 14.05:  Vælkomin

14.05 - 14.30: Turið F. Arge, forstjóri í Føroya Banka
- Gongdin í 2025 og útlit fyri 2026 við støði í roknskapinum

14.30 - 15.00:  Høgni Dahl Jakobsen, fíggjarstjóri í Bakkafrost
- Føroysk alivinna: Tað vanvarda gulleggið

15.00 - 15.20: Steðgur – ábit og prát

15.20 - 16.00: Johnny í Grótinum, formaður í Búskaparráðnum
- Føroyski búskapurin: Vøkstur og váðar

Vit gleða okkum at síggja teg.