Tá ið ein kundi doyr, fær bankin boð frá Skiftirættinum. Eftir hetta hava vit skyldu til at sperra kort og kontur, avtalu um Netbanka, goymslur við virðisbrøvum v.m. hjá viðkomandi. Gjøld til lán, fastar flytingar og gjøld frá fíggjarkontu verða eisini sperrað.

Hetta kann hava nakrar avbjóðingar við sær fyri tey, sum sita eftir – serliga um tit hava verið gift ella hava fíggjarviðurskifti, ið eru flættað saman. Kanska tú hevur tørv á atgongd til tykkara felags kontur og gjaldskort, og tí er tað umráðandi, at tú setur teg í samband við okkum, soleiðis at vit kunnu finna eina loysn.