BankNordik legat til norðurlendska studentaflokkin

Í august byrjar ein nýggjur studentaflokkur fyri ung í norðuratlanti - norðuratlantiski studentaflokkurin. Flokkurin fer komandi trý árini at nema sær studentsútbúgving í Føroyum, Danmark, Íslandi og Grønlandi. Sum lesandi í norðuratlantiska studentaflokkinum eru útreiðslur til kost, bústað og  ferðing ímillum tey fýra londini.

Í hesum sambandið veitir BankNordik eitt legat til ein føroyskan lesandi í norðuratlantsflokkinum. Legatið er 150.000 kr. í alt – 50.000 kr. pr. ár tey trý árini útbúgvingin varðar.

Fyri at koma uppá tal til legatið skalt tú gera fylgjandi:

• Skriva eina motiveraða umsókn, har tú fortelur okkum hví vit skulu stuðla júst tær
  
  

• koma til myndatøku í samband við at vit kunngera hvør far legatið
  

   

• hvørt semestur - tvs. seks ferðir í lestrartíðuni - gera eina frásøgn um eitt hvørt í samband við lestnaðin. Hetta kann gerast við at skriva ein tekst, gera ein film ella okkurt heilt triðja - tað er upp til tann einstaka næmingin. Tilfarið verður brúkt á heimasíðu og sosialu miðlum BankNordiks.

Fyri at søkja um legatið skalt tú senda motiveraðu umsóknina saman við umsóknini um at sleppa inn í norðuratlantiska studentaflokkin.

Á www.nordatlantisk.dk ber til at lesa meira um hvussu tú søkir inn á útbúgvingina.